على سليمان

انا دوست عليكي منكرشى

بعتذر وعارف ان اعتذارى مش مقبول 

وانة فى كل الاحوال هيكون برضك مرفوض

عارف ان الذنب مش ذنبك وان التجريح مفروض بس ليكي مش هايكون 

انتي بكل بساطة بتدفعي تمن جرح غيرك ليا 

وانى بقيت ازاز مكسور كل اللى يقرب منة يندبح

عارف كمان انى بقيت بنتقم

من شخص واحد فى كل البشر 

شخص داس علية بكل قوتة 

والرحمه معرفتش سكتة

موت احساسى حجر قلبى علمنى ازاى ادوس على قلوب البشر وانا ببتسم

علمنى ان الحب مالوش وجود ولو بقي موجود فا علشان المصلحة

علمنى ان الحب ضعف مافيهوش منفعة والقصة والحدوتة فى كل فعل هى المنفعة و المصلحة والا معطلكشى

اتعلمت ان اللى تحب تبقى عاهرة والراجل عاهر وقلبة عاهر والحب طاهر مننا 

الحب من اطهر الاحاسيس في الوجود ولكن هما استبدلوه 

بجبل حجر 

كنت بحب وانا معرفش

ولما حبيت اتهديت ووقع القناع ومشوفتش حب ولا عدل ولا صداقه 

شوفت خيانه وتغيير وعود وتغيير نفوس وكسره قلب ونفس وقله كرامه واهانه لا بجد شفت ناس معرفهاش معقولة دة حب معقولة

دي اللى سهرتني الليالى ابكى دي اللى كانت بتقولي يا عمرى ويا عشقي ويحابي 

انا كنت فين كنت تايه ولا مسحور ولا مش شايف ولا مش حاسس وهي مين 

انا انجرحت واندبحت وانهزمت وبعترف باني انكسرت بسبب خدعه هما لعبوها وقالو حب 

لعبو لعبه احساس فارغ جواه فاضى ووشوش بتمثل الحب افضل من مشاهد كل الأفلام والمسلسلات اللي شفتها 

#منقول_عن_لسانكم👉✋